បាត់ដំបង ៖ នៅថ្ងៃទី០៨ ខែសីហា ឆ្នាំ២០២២ វេលាម៉ោង០១និង៣០នាទី ត្រង់ចំណុចភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង អនុវត្តតាមការណែនាំបញ្ជាផ្ទាល់ពីលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ និងលោកវរសេនីយ៍ទោ ភួង ចន្ទ័តារា ស្នងការរងជំនួយការដឹកនាំការិយាល័យនគរបាលព្រហ្មទណ្ឌកម្រិតស្រាល និងដោយមានការសម្របសម្រួលទៅលើនីតិវិធីពី ឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបងផងនោះ លោកវរសេនីយ៍ឯក ឈឿង គឹមសុង នាយការរិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការបង្ក្រាប ចុះប្រតិបត្តិការបង្ក្រាបករណីធ្វើអោយខូចខាតដោយចេតនា (កាប់ និងគប់ម៉ូតូ) ០១ករណី និងបានធ្វើការនាំខ្លួនជនសង្ស័យចំនួន ០១នាក់ ឈ្មោះ គាវ គឹម ហៃ ភេទប្រុស អាយុ ២០ឆ្នាំ មានទីលំនៅភូនៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង មកកាន់ស្នងការដ្ឋាន ដើម្បីធ្វើការសាកសួរ ។
ក្រោយសមត្ថកិច្ចធ្វើការសាកសួររួចក៏ឈានដល់ការនាំខ្លួនជនសង្ស័យ ចំនួន ០៤នាក់ ទៀតនៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង នៅថ្ងៃខែឆ្នាំដដែល វេលាម៉ោង១២និង៣០នាទី នោះគឺ៖
១.ឈ្មោះ ឡាយ ខិត ភេទប្រុស អាយុ ១៦ឆ្នាំ មានទីលំនៅភូមិ អូរដំបង ឃុំអូរដំបង២ ស្រុកសង្កែ ខេត្តបាត់ដំបង
២.ឈ្មោះ វង្ស វឌ្ឍវត្ថា ភេទប្រុស អាយុ ២០ឆ្នាំ មានទីលំនៅភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង
៣.ឈ្មោះ ទី មុន្នីដាវុធ ភេទប្រុស អាយុ ១៦ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង
៤.ឈ្មោះ សយ វិស័យ ភេទប្រុស អាយុ ២០ឆ្នាំ មានទីលំនៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង ។
សូមជម្រាបជូនថា មូលហេតុដែលឃាត់ខ្លួននេះគឺកាលពីថ្ងៃទី០៦ ខែសីហា ឆ្នាំ ២០២២ វេលាម៉ោងប្រមាណ០២និង០០នាទី រំលងអាធ្រាត្រឈានចូលថ្ងៃទី០៧ ខែសីហា ឆ្នាំ២០២២ ជនសង្ស័យទាំង០៥នាក់ ខាងលើ បានធ្វើសកម្មភាពកាប់ម៉ូតូរបស់ជនរងគ្រោះឈ្មោះ រ៉ូន គឹមហ៊ ភេទប្រុស អាយុ ២៣ឆ្នាំ នៅចំណុចមុខពេទ្យយាជី ស្ថិតក្នុងភូមិរំចេក១ សង្កាត់រតនៈ ក្រុងបាត់ដំបង ខេត្តបាត់ដំបង បណ្តាលឱ្យខូចខាតដោយអន្លើ ហើយនៅក្រោយពេលកើតហេតុជនរងគ្រោះបានប្តឹងមកសមត្ថកិច្ចនគរបាល និងឆ្លងតាមរយៈការស្រាវជ្រាវស៊ើបអង្កេត សមត្ថកិច្ចកំណត់មុខសញ្ញាបាន និងឈានដល់ការឃាត់ខ្លួនតែម្តង។
បច្ចុប្បន្នកម្លាំងការិយាល័យជំនាញបានធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបង ដើម្បីចាត់ការបន្តតាមនីតិវិធី៕
ប្រភព៖ អគ្គស្នងការដ្ឋាននគរបាលជាតិ
