ពោធិ៍សាត់ ៖ មន្ត្រីអគ្គិសនីម្នាក់ត្រូវចរន្តអគ្គិសនីឆក់បណ្តាលឲ្យស្លាប់ភ្លាមៗនៅហ្នឹងកន្លែងកើតហេតុ ចំណុចផ្ទះរបស់ឈ្មោះ ប្រាក់ ប៊ុណ្ណា ភេទប្រុស អាយុ២៣ឆ្នាំ រស់នៅភូមិក្រូចសើច ឃុំខ្នារទទឹង ស្រុកបាកាន ខេត្តពោធិ៍សាត់ នៅថ្ងៃទី២៥ ខែកក្កដា ឆ្នាំ២០២២ វេលាម៉ោង១២និង៣៧នាទី ។
នគរបាលស្រុកបាកានបានឲ្យដឹងថា ជនរងគ្រោះខាងលើមានឈ្មោះ ច្រឹង ចាន់ថន ភេទប្រុស អាយុ៤០ឆ្នាំ រស់នៅភូមិបឹងខ្នារ ឃុំបឹងខ្នារ ជាមន្ត្រីអគ្គិសនីឃុំបឹងខ្នារ ស្រុកបាកាន ។
ប្រភពដដែលបានឲ្យដឹងទៀតថា ករណីឆ្លងចរន្តអគ្គិសនីឆក់ជនរងគ្រោះស្លាប់នេះ គឺបណ្តាលមកពីជនរងគ្រោះបានមកតភ្លើងឲ្យគេ តែមិនបានបិទប្រអប់កុងទ័រលេខ(០៦៨៨៦៣៣)ទើបបណ្ដាលឲ្យឆក់ស្លាប់នៅកន្លែងកើតហេតុ ។
បច្ចុប្បន្ន សពជនរងគ្រោះ ត្រូវបានកម្លាំងសមត្ថកិច្ចនគរបាលមូលដ្ឋានធ្វើកំណត់ហេតុ និង ប្រគល់សពជូនក្រុមគ្រួសារយកទៅធ្វើបុណ្យទៅតាមប្រពៃណី ៕
ប្រភព៖ អគ្គស្នងការដ្ឋាននគរបាលជាតិ
