ភ្នំពេញ៖ កាលពីម៉ោងប្រមាន ៣:៤០នាទីទៀបភ្លឺ ត្រូវនឹងថ្ងៃទី២៦ ខែកក្កដា ឆ្នាំ២០២២នេះ មានករណីគ្រោះថ្នាក់ចរាចរណ៍មួយបានកើតឡើងនៅចំនុចស្ពានអាកាសក្បាលថ្នល់ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយរថយន្តស៊េរីទំនើបមួយគ្រឿងបានបុកនឹងបង្កាន់ដៃស្ពាន។
បើយោងតាមប្រភពពីកន្លែងកើតហេតុបានអោយដឹងថារថយន្តខាងម៉ាកអូឌី Q7 ពណ៌ខ្មៅ ពាក់ស្លាកលេខ ភ្នំពេញ ២AJ-០០២៦ ដែលមានបុរសនារី ៣នាក់នៅក្នុងនោះបានបើករ៉េចង្កូតទៅបុកនឹងបុកក្បាលនាគពុះចែកបង្កាន់ដៃស្ពានអាកាសក្បាលថ្នល់ បណ្តាលអោយរថយន្តរថការខូចខាត។
ក្រោយកើតហេតុសមត្ថកិច្ចជំនាញបានចុះទៅធ្វើការវាស់វែង នឹងយករថយន្តទៅរក្សាទុក ដើម្បីធ្វើការដោះស្រាយនៅពេលក្រោយ៕
