ភ្នំពេញ៖ កាលពីម៉ោងប្រមាណ ១២:០០រំលង់អាធ្រាត្រឈានចូលថ្ងៃទី២០ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចផ្លូវវេងស្រេង ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ដោយបង្កឡើងដោយរថយន្ត២គ្រឿង។
បើយោងតាមប្រភពពីកន្លែងកើតហេតុបានអោយដឹងថានៅម៉ោងកើតហេតុខាងលើមានរថយន្តមួយគ្រឿងម៉ាក Hyudai ពាក់ស្លាកលេខ ភ្នំពេញ ៣E-៥០៨៤ ជាប្រភេទរថយន្តដឹកទំនិញ បានបុកពីក្រោយរថយន្តកុងតឺន័រមួយគ្រឿងពាក់ស្លាលេខ ភ្នំពេញ ៤A-២៩០២ ដែលបានចោតចោល បណ្តាលអោយគៀបអ្នកបើកបររថយន្ត Hyudai ២នាក់ជាប់កាប៊ីនរថយន្ដរងរបួសធ្ងន់ស្រាល៕
