ភ្នំពេញ៖ កាលម៉ោងប្រមាណ ១២:៤៥នាទីរំលងអាធ្រាត្រឈានចូលថ្ងៃទី២០ ខែកក្កដា ឆ្នាំ២០២២ មានករណីរថយន្ត ២គ្រឿងបានបុកគ្នាពេញទំហឹងនៅចំនុចផ្លូវព្រះសីហនុ ចំនុចស្តុបនាគបាញ់ទឹក ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ បង្កអោយរងការខូចខាតទាំងសងខាង។
បើតាមប្រភពពីកន្លែងកើតហេតុបានអោយដឹងរថយន្តទាំង ២គ្រឿងនោះរួមមានកាម៉ារីបាឡែន ដែលពាក់ស្លាកលេខភ្នំពេញ ២X-៤៨៥៥ និងមួយគ្រឿងទៀតម៉ាលុចស៊ីស LX470 ពាក់ស្លាកលេខភ្នំពេញ ២AF-៦២៦៥។
ក្រោយកើតហេតុសមត្ថកិច្ចបានធ្វើការចុះទៅវាស់វែង នឹងយករថយន្តទាំង២គ្រឿងមករក្សាទុក ដើម្បីទុកធ្វើការដោះស្រាយនៅពេលក្រោយ៕
