ព្រះសីហនុ៖ កាលពីម៉ោងប្រមាណ ៧:២០ព្រឹកថ្ងៃទី១៩ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយកើតឡើងនៅចំនុចផ្លូវ៥០០ ស្ថិតក្នុងសង្កាត់លេខ៤ ក្រុង/ខេត្តព្រះសីហនុ បង្កអោយអ្នកបើកបរម៉ូតូម្នាក់របួសធ្ងន់។
បើតាមប្រភពពីសមត្ថកិច្ចបានអោយដឹងថា រថយន្តបង្កហេតុម៉ាកPORSCHE ពណ៌ស ពាក់ស្លាកលេខ ភ្នំពេញ ២BG-១៦៩៨ បើកបរដោយជនជាតិចិនមួយក្រុមមានគ្នា ៥នាក់ បានបុកនឹងម៉ូតូមួយគ្រឿងម៉ាក Dream ពណ៌ខ្មៅពាកស្លាកលេខកំពត ១G-១០០៦ បណ្តាលអោយរងរបួសធ្ងន់ និងត្រូវបញ្ជូនទៅកាន់មន្ទីរពេទ្យភ្លាមៗ។ ដោយឡែករថយន្តបង្កបានព្យាយាមបើរត់រហូតធ្លាក់ទឹកអូរប្រឡាយបណ្តាលអោយរថយន្តរងការខូចខាត ហើយអ្នករួមដំណើររបួសស្រាល។
ក្រោយកើតហេតុសមត្ថកិច្ចបានចុះមកធ្វើការវាស់វែង នឹងយកយាន្តយន្តទៅរក្សាទុករងចាំការដោះស្រាយនៅពេលក្រោយ៕
