ព្រះសីហនុ៖ រថយន្ត២គ្រឿងបុកប៉ះគ្នាតាមផ្លូវជាតិលេខ៤ ចន្លោះគីឡូម៉ែត្រ១៣៨-១៣៩ក្នុងភូមិបឹងត្រាច ឃុំចំការហ្លួង ស្រុកកំពង់សីលា ខេត្តព្រះសីហនុ។ សមត្ថកិច្ចបញ្ជាក់ថា រថយន្តទាំង២គ្រឿង មានទិសដៅស្របគ្នាភ្នំពេញ-ព្រះសីហនុ ក្នុងនោះមួយគ្រឿងជារថយន្តកូរ៉េដឹកពូកនិងគ្រែ ពាក់ស្លាកលេខ កំពង់ស្ពឺ 2A 9875 បើកបរដោយឈ្មោះ ហន ឈុនហ័ង អាយុ ២៨ឆ្នាំ រងរបួសស្រាល មានអ្នករួមដំណើរម្នាក់ឈ្នោះ ហន ហៃ រងរបួសធ្ងន់។ រថយន្តមួយគ្រឿងទៀតជារថយន្តដឹកអ្នកដំណើរ ពាក់ស្លាកលេខ ភ្នំពេញ2AL 4215 (អ្នកបើកបររត់គេចខ្លួនបាត់) អ្នករួមដំណើរក្នុងរថយន្តនេះមិនមានអ្នករងគ្រោះឡើយ។
ករណីនេះសមត្ថកិច្ចបានអន្តរាគមន៌ជួយបញ្ជូនអ្នករបួសទៅមន្ទីរពេទ្យ និងចាត់ចែងដោះស្រាយតាមនិតិវិធី៕
ប្រភព៖ Huy Bunleng News
