ភ្នំពេញ៖ កាលពីម៉ោងប្រមាណ ២រំលងអាធ្រាត្រ ឈានចូលថ្ងៃទី៩ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយកើតឡើងនៅចំនុចមុខអាកាសយានដ្ឋានអន្តរជាតិភ្នំពេញ តាមបណ្ដោយផ្លូសហព័ន្ធរុស្ស៊ី សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
បើយោងតាមប្រភពពីកន្លែងកើតហេតុបានអោយដឹងថារថយន្តបង្កម៉ាកព្រូស ពាកស្លាកលេខ ភ្នំពេញ 2BB -9564 បើក្នុងល្បឿនលឿនបានបុកជាមួយនឹងថ្មពុះចែកទ្រូងផ្លូវ បណ្តាលអោយក្រឡាប់ផ្ងាជើង។ ក្រោយកើតហេតុគេសង្កេតឃើញមានបុរសជនជាតិចិន ៣នាក់ និងនារីខ្មែរ ២នាក់ បានចេញពីក្នុងរថយន្តមក ហើយបានរត់គេចខ្លួនបាត់ស្រមោល ដោយបន្សល់តែរថយន្ត៕
