បាត់ដំបង៖ នៅថ្ងៃទី១០ ខែមិថុនា ឆ្នាំ២០២២ វេលាម៉ោងប្រមាណ១០និង០០នាទី ត្រង់ចំណុចភូមិអូរធំ ឃុំភ្នំព្រឹក ស្រុកភ្នំព្រឹក ខេត្តបាត់ដំបង មានករណីលួចមានស្ថានទម្ងន់ទោស (កាច់សោរម៉ូតូ) កើតឡើងចំនួន០១លើក ដែលបង្កដោយជនសង្ស័យមិនស្គាល់អត្តសញ្ញាណចំនួន០២នាក់ ភេទប្រុស ជិះម៉ូតូម៉ាកឃ្លិច (click) ពណ៌ស មិនស្គាល់ស្លាកលេខ បានធ្វើសកម្មភាពលួចកាច់សោរម៉ូតូរបស់ជនរងគ្រោះ ឈ្មោះ សន សែន ភេទប្រុស អាយុ៥៦ឆ្នាំ មានទីលំនៅភូមិបួរ ឃុំបួរ ស្រុកភ្នំព្រឹក ខេត្តបាត់ដំបង ក្នុងខណៈ ដែលជន រងគ្រោះទុកម៉ូតូនៅក្បែរផ្លូវ ហេីយចូលទៅក្នុងព្រៃនៅទីនោះ។
យោងតាមរបាយការណ៍របស់ សមត្ថកិច្ចនគរបាល បានឲ្យដឹងថា ម៉ូតូបាត់បង់ម៉ាក Honda dream ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ បន្ទាយមានជ័យ 1O-2423។ ពេលធ្វើសកម្មភាពរួចជន សង្ស័យ បានគេចខ្លួន បាត់តែម្តង ។ ហេីយនៅក្រោយកេីតហេតុជនរងគ្រោះបានប្តឹងពីករណីនេះមកសមត្ថកិច្ចនគរ បាល ហេីយរហូតដល់វេលាម៉ោង១៤និង ២០នាទី ថ្ងៃខែឆ្នាំដដែលនៅចំណុចភូមិសាមសិប ឃុំតាក្រី ស្រុកកំរៀង ខេត្តបាត់ដំបង អនុវត្តតាមយោបល់បញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានដឹកនាំកម្លាំងជំនាញផ្នែកយុត្តិធម៌ និងកម្លាំងប៉ុស្តិ៍នគរបាលរដ្ឋបាលភ្នំព្រឹកនៃអធិការដ្ឋាននគរបាលស្រុកភ្នំព្រឹក សហការជាមួយកម្លាំងនគរបាល នៃអធិការដ្ឋាននគរបាលស្រុកកំរៀង ដែលមានលោក វរសេនីយ៍ទោ វេ គឹមចត់ ជាអធិការនគរបាលស្រុក ស្រាវជ្រាវនិងឃាត់ខ្លួនជនសង្ស័យចំនួន០២នាក់៖០១.ឈ្មោះ ម៉ុន មាយ ភេទប្រុស អាយុ ៣៤ឆ្នាំ មានទីលំនៅភូមិសាមគ្គី ឃុំពេជ្រចិន្តា ស្រុកភ្នំព្រឹក ខេត្តបាត់ដំបង និង០២.ឈ្មោះ ហេង ចាន់ធី ហៅ ង៉ោល ភេទប្រុស អាយុ២៩ឆ្នាំ ស្នាក់នៅភូមិសាមសិប ឃុំ តាក្រី ស្រុកកំរៀង ខេត្តបាត់ដំបង។ សមត្ថកិច្ចបានធ្វេីការដកហូតវត្ថុតាងរួមមាន៖ -ម៉ូតូម៉ាក Honda dream ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ បន្ទាយមានជ័យ1O- 2423 (ជាម៉ូតូរបស់ជនរងគ្រោះ )- ម៉ូតូ ០១ គ្រឿង ម៉ាកHonda click ពណ៌ស សេរីឆ្នាំ២០២២ ពាក់ស្លាកលេខ បាត់ដំបង 1AN-6296 (ជាម៉ូតូរបស់ ជនសង្ស័យជាធ្វើសកម្មភាព) -ទូរស័ព្ទដៃ ០១គ្រឿង (ចាស់) ។
នៅពេលនេះ ជនសង្ស័យទាំង០២នាក់ និងវត្ថុតាងខាងលើត្រូវបា នសមត្ថកិច្ចនគរបាល រៀបចំសំណុំរឿងបញ្ជូនមកការិយាល័យជំនាញខេត្ត ដេីម្បីអនុវត្តបន្តតាមនីតិវិធីច្បាប់៕
ប្រភព៖ អគ្គស្នងការដ្ឋាននគរបាលជាតិ
