កំពង់ស្ពឺ៖ នៅថ្ងៃទី២១ ខែមីនា ឆ្នាំ២០២២នេះ មានករណៅឃាត់ខ្លួនមនុស្សប្រុសស្រី ២នាក់ ដោយជាប់សង្ស័យករណីរំលោភសេពសន្ទវៈលើក្មេងស្រី និងផ្តល់ទីតាំងឱ្យធ្វើសកម្មភាព ដែលស្ថិតនៅក្នុងភូមិចិនដាំម្លូរ ឃុំវាំងចាស់ ស្រុកឧដុង្គ ខេត្តកំពង់ស្ពឺ។
បើតាមប្រភពពីសមត្ថកិច្ចបានអោយដឹងថាជនសង្ស័យជាម្តាយជនរងគ្រោះឈ្មោះ ពេជ្រ ស្រីអ៊ី អាយុ២៨ឆ្នាំ ចាប់ចោទពីបទផ្តល់ទីតាំងឱ្យជនសង្ស័យប្រព្រឹត្តិបទល្មើសរំលោភ។ ជនសង្ស័យម្នាក់ទៀតឈ្មោះ សេក ណារិន ភេទប្រុស អាយុ៣៧ឆ្នាំ ចាប់ចោទពីបទរំលោភ។ ដោយឡែកជនរងគ្រោះមានឈ្មោះ ម.ស.ន អាយុ១៣ឆ្នាំ។
គួរបញ្ជាក់ថាជនរងគ្រោះត្រូវបានម្តាយខ្លួនបានរៀបចំគម្រោងអោយជនសង្ស័យធ្វើសកម្មភាពរំលោភរហូតបានសម្រេច។ ក្រោយកើតហេតុជនរងគ្រោះបានធ្វើការដាក់ពាក្យបណ្តឹងចំពោះជនទាំង ២នាក់៕
