ពោធិ៍សាត់ ៖ នៅថ្ងៃចន្ទ១២កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ខែមីនាឆ្នាំ២០២២ វេលាម៉ោង ១២និង៤០នាទីថ្ងៃត្រង់ មានស្ត្រីម្នាក់ឈ្មោះ ហេង សុជាតិលីដា ភេទស្រី អាយុ៤០ឆ្នាំ រស់នៅនៅភូមិឯកភាព ឃុំថ្មដា ស្រុកវាលវែង បានមកប្ដឹងសមត្ថកិច្ចនគរបាលប៉ុស្តិ៍រដ្ឋបាលថ្មដាថា ៖ កាលពីថ្ងៃទី ១២ ខែមីនា ឆ្នាំ២០២២ វេលាម៉ោង ១១និង១១នាទីយប់ កូនរបស់គាត់ឈ្មោះ ម.ដណ អាយុ១៤ឆ្នាំ ត្រូវបានជនសង្ស័យឈ្មោះ ណា ផាន់ ភេទប្រុស អាយុ២១ឆ្នាំ ស្នាក់នៅភូមិឯកភាព ឃុំថ្មដា បាននិយាយលួងលោមរួមភេទបានសម្រេច នៅក្នុងបន្ទប់ផ្ទះសំណាក់យីហោ ” ថ្មដាចំការធូរ៉េន ” ស្ថិតក្នុងភូមិឯកភាព ឃុំថ្មដា ស្រុកវាលវែង។ បន្ទាប់ពីកើតហេតុជនសង្ស័យបានរត់គេចខ្លួនបាត់ ។
នគរបាលស្រុកវាលវែងបានឲ្យដឹងថា ក្រោយពីទទួលបានពាក្យបណ្តឹងពីម្តាយជនរងគ្រោះ សមត្ថកិច្ចនគរបាលជំនាញបានស្រាវជ្រាវស៊ើបអង្កេត និងកំណត់សាវតាជាតិជនសង្ស័យ ដើម្បីតាមចាប់ឃាត់ខ្លួនជនសង្ស័យយកមកផ្តន្ទាទោសតាមច្បាប់ ៕
ប្រភព៖ អគ្គស្នងការដ្ឋាននគរបាលជាតិ
