ភ្នំពេញ៖ ខណៈតម្លៃប្រេងឆៅនៅលើពិភពលោកមានការកើនឡើងរហូតដល់ទៅ ១បារ៉ែល ១៣០ដុល្លារ កាលពីពេលថ្មីៗ។ ដោយឡែកនៅប្រទេសកម្ពុជាតម្លៃសាំងក៏អាចឡើងដល់ជាង ៥ពាន់រៀលដែរនៅប៉ុន្មានថ្ងៃខាងមុននេះ នេះបើយោងតាមការបញ្ជាក់របស់អ្នកនាំពាក្យក្រសួងពាណិជ្ជកម្មកម្ពុជា។
ក្នុងនោះលោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម បានបញ្ជាក់កាលពីល្ងាចថ្ងៃទី១១ ខែមីនា ឆ្នាំ២០២២ បានអោយដឹងថាតម្លៃសាំងអាចឡើងដល់ជាង ៥ពាន់រៀល ខណៈម៉ាស៊ូត គឺជាង ៤ពាន់រៀល។
លោកបានបន្ថែមថា ក្រសួងពាណិជ្ជកម្មនឹងកោះប្រជុំរវាងវិស័យឯកជន និងស្ថាប័នពាក់ព័ន្ធ ដើម្បីរិះរកវិធានការដោះស្រាយបញ្ហានេះ។ លោកគូសបញ្ជាក់ថាប្រទេសយើង គឺនាំចូលប្រេងពីសិង្ហបុរី ថៃ វៀតណាម៕
