បរទេស៖ នេះបើយោងតាមការចេញផ្សាយរបស់សារព័ត៌មាន TASS នៅថ្ងៃទី១០ ខែមីនា ឆ្នាំ២០២២នេះ បានអោយដឹងថា ស្ថានទូតបេឡារុសនៅក្នុងប្រទេសអ៊ីតាលី ត្រូវបានរងការវាយប្រហារអោយគ្រឿងផ្ទុះកែច្នៃ។
ក្នុងនោះដែរ បើយោងតាមការបញ្ជាក់របស់ ក្រសួងការបរទេសបេឡារុស បានអោយដឹងថា “នៅថ្ងៃទី០៩ ខែមីនា ឆ្នាំ២០២២ វេលាម៉ោងខ្ទង់០៤ទាបភ្លឺ ជនបិទមុខមួយចំនួន បានដើរមកក្បែររបងអគារស្ថានទូតបេឡារុស ហើយមានកាន់វត្ថុពុំត្រូវបានដឹងច្បាស់នៅក្នុងដៃ។ មិនយូរប៉ុន្មានក្រោយមក ពួកគេបានដុតបញ្ឆេះវត្ថុទាំងនោះ ហើយគ្រវែងពួកវាចូលទៅក្នុងបរិវេណស្ថានទូត”៕
