ភ្នំពេញ៖ កាលពីម៉ោងប្រមាណ ៩យប់ថ្ងៃទី២២ ខែកុម្ភៈ ឆ្នាំ២០២២ម្សិលមិញនេះ មានករណីគ្រោះថ្នាក់ចរាចរណ៍មួយបានកើតឡើងនៅទល់មុខព្រលានយន្តហោះភ្នំពេញអន្តរជាតិ ចំនុចបណ្ដោយផ្លូវសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ក្នុងហេតុការណ៍នេះ គឺមានរថយន្តទំនើប ២គ្រឿងបានបុកគ្នាបណ្តាលអោយរងការខូចខាត ដោយក្នុងនោះមានរថយន្តមួយគ្រឿងម៉ាក Ford ពាកស្លាកលេខ ភ្នំពេញ 2BH-9568 និងមួយគ្រឿងទៀតម៉ាក Lexus RX330 មិនស្គាល់ស្លាក (ម្ចាស់បិទស្លាកលេខ)។ ក្រោយកើតហេតុភាគីទាំងសងខាងបានធ្វើការដោះស្រាយបញ្ចប់បញ្ហានៅនឹងកន្លែងកើតហេតុតែម្តង៕
