កោះកុង៖ នៅថ្ងៃទី១៣ ខែកុម្ភៈ ឆ្នាំ២០២២ សមត្ថកិច្ចបានធ្វើការឃាត់ខ្លួនបុរសម្នាក់ ក្រោយធ្វើសកម្មភាពចាប់រំលោភក្មេងស្រី ២នាក់ ដែលជាក្មួយរបស់ខ្លួន នៅចំណុចភូមិកោះអណ្ដែត ឃុំតាតៃក្រោម ស្រុកកោះកុង ខេត្តកោះកុង។
បើតាមប្រភពពីសមត្ថកិច្ចបានអោយដឹងថាជនសង្ស័យមានឈ្មោះ ស៊ិន ធឿន ភេទប្រុស អាយុ៤២ឆ្នាំ រស់នៅភូមិកោះអណ្ដែត្ដែត ឃុំតាតៃក្រោម ស្រុកកោះកុង ខេត្តកោះកុង។ ដោយឡែកក្មេងស្រីរងគ្រោះ ម្នាក់អាយុ ១៣ឆ្នាំ និងម្នាក់ទៀតអាយុ ១២ឆ្នាំ។
ក្រោយធ្វើការឃាត់ខ្លួនសមត្ថកិច្ចបានធ្វើការរៀបចំកសាងសំណុំរឿង និងបញ្ជូនទៅតុលាការ ដើម្បីចាត់វិធានការតាមផ្លូវច្បាប់៕
