ភ្នំពេញ៖ កាលពីម៉ោងប្រមាណ ១១យប់ថ្ងៃទី១០ ខែកុម្ភៈ ឆ្នាំ២០២២នេះ មានករណីគ្រោះថ្នាក់ចរាចរណ៍មួយបានកើតឡើងនៅចំណុចតាមបណ្ដោយផ្លូវ២៧៨ កែងផ្លូវ១៥៧ ក្នុងសង្កាត់អូឡាំពិក ខណ្ឌបឹងកេងកង រាជធានីភ្នំពេញ ដោយរថយន្ដពីរគ្រឿងបុកគ្នាពេញទំហឹងត្រង់ចំណុចផ្លូវបំបែកជាបួនរួចខ្ទាតទៅបុករថយន្ដមួយគ្រឿងទៀត។
បើយោងតាមប្រភពពីកន្លែងកើតហេតុបានអោយដឹងថារថយន្តទាំង ៣ រួមមាន៖ ម៉ាកស៊ីដែល ពាកស្លាកលេខ ភ្នំពេញ 2BB-9966, រថយន្តម៉ាក KIA ពាកស្លាកលេខ ភ្នំពេញ 2BG-1839 និងរថយន្តមួយគ្រឿងទៀតមិនត្រូវបានស្គាល់ស្លាកលេខ។ ក្រោយពេលកេីតហេតុភាគីទាំង៣ធ្វេីការដោះស្រាយគ្នាបញ្ចប់រឿងនៅកន្លែងកេីតហេតុ៕
