ភ្នំពេញ ៖ នៅថ្ងៃ០៦ ខែកុម្ភៈ ឆ្នាំ២០២២ វេលាម៉េាង១២ និង៣០នាទី កម្លាំងនគរបាលប៉ុស្តិ៍រដ្ឋបាលអូឬស្សីទី២ និងអធិការនគរបាលខណ្ឌ៧មករា បានឃាត់ខ្លួនជនសង្ស័យចំនួន ០២នាក់ ស្តីពីអំពើលួចមានស្ថានទម្ងន់ទោស (ឆក់ទូរសព្ទ័ដៃ) ស្ថិតនៅចំនុចមុខផ្ទះលេខ211Eo ផ្លូវ២១៧ កែងផ្លូវ១៣៩ ភូមិ៥សង្កាត់អូឬស្សីទី២ ខណ្ទ៧មករា រាជធានីភ្នំពេញ ។
មន្ត្រីនគរបាលខណ្ឌ៧មករា បានឲ្យដឹងថា ៖ ជនសង្ស័យចំនួន ០២នាក់ ១-ឈ្មោះ មាឃ សុវណ្ណារ៉ាត់ ភេទប្រុស អាយុ ១៧ឆ្នាំ ជនជាតិខ្មែរ មុខរបរជាងបាញ់ថ្នាំឡាន មានទីលំនៅផ្ទះជួលមិនចាំលេខ ផ្លូវលំ ភូមិចំកាចេក សង្កាត់ឬស្សីកែវ ខណ្ឌឬស្សីកែវ ។ ២-ឈ្មោះ ថន សុផានិត ភេទ ប្រុស អាយុ ១៧ឆ្នាំ មុខរបរជាងបាញ់ថ្នាំឡាន មានទីលំនៅផ្ទះមិនចាំលេខ ផ្លូវមិនចាំ ភូមិក្រោលគោ សង្កាត់គីឡូម៉ែត្រលេខ៦ សង្កាត់ឬស្សីកែវ ខណ្ឌឬស្សីកែវ ។ ក្រោយពីសមត្ថកិច្ចឃាត់ខ្លួន ជនសង្ស័យទាំង២ បានធ្វើតេស្តទឹកនោមស្វែងរកសារធាតុញៀនបញ្ជាក់ជាលទ្ឋផលឃើញថា (អវិជ្ជមាន) ក្រុមគ្រូពេទ្យបានមកយកសំណាកជំងឺកូវីដ១៩ បញ្ជាក់ជាលទ្ធផលឃើញថា (អវិជ្ជមាន) ។ ជនរងគ្រោះឈ្មោះ ធី សុខហេង ភេទប្រុស អាយុ ៣០ឆ្នាំ មុខរបរលក់ដូរ មានទីលំនៅផ្ទះលេខ២៨៣Eo ផ្លូវកែវចិន្តា ភូមិ១ សង្កាត់ជ្រោយសង្វា ខណ្ឌជ្រោយសង្វា ។
វត្ថុតាងដកហូតរួមមាន ៖
-ទូរសព្ទ័ដៃម៉ាក អាយហ្វូន ១១ប្រូមេក សុីមលេខ ០៩៦៣៣៤៤៤០០ ជាទូរសព្ទ័ជនរងគ្រោះ (សមត្ថកិច្ចបានប្រគល់ឲ្យជនរងគ្រោះវិញហើយ)
-ម៉ូតូ ១គ្រឿង ម៉ាកស្កូពីពណ៌ខ្មៅ សេរី២០២០ ពាក់ស្លាកលេខ 1IM 2165 ជាមធ្យោបាយជិះធ្វើសកម្មភាពឆក់
-ទូរសព្ទ័ដៃរបស់ជនសង្ស័យចំនួន ២គ្រឿង ម៉ាក OPPO ពណ៌ខៀវ ១គ្រឿង និងពណ៌ខ្មៅ១គ្រឿង ៕
បច្ចុប្បន្នជនសង្ស័យ ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលខណ្ឌ៧មករាដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់ ៕
