ភ្នំពេញ៖ កាលពីម៉ោងជាង១០យប់ថ្ងៃទី២៨ ខែមករាឆ្នាំ ២០២២ មានការភ្ញាក់ផ្អើលមួយបានកើតឡើងក្រោយកម្លាំងកងរាជអាវុធហត្ថខណ្ឌចម្ការមនបានចាប់ក្រុមបើករថយន្តទំនើប ២គ្រឿងដោយមានជនជាតិចិនជាមួយអង្គរក្សជនជាតិខ្មែរចំនួន ៨នាក់ និងអាវុធខ្លីចំនួន២ដើម។
បើតាមប្រភពពីកន្លែងកើតហេតុបានអោយដឹងថាក្រុមនេះបានបើករថយន្តទំនើបចំនួន២គ្រឿងម៉ាកលុចស៊ីស៥៧០ពាក់ផ្លាកលេខ ភ្នំពេញ ២BI-៨៧៨៧ និងម៉ាករែងរ៉ូវើរពណ៌ ស ផ្លាកលេខភ្នំពេញ ២BE-៩៦៨០។ ពួកគេបានបើកមកស្ទាក់ពីមុខរថយន្ដក្រុងទេសចរណ៍មួយគ្រឿងដែលកំពុងដឹកភ្ញៀវជនជាតិ ចិនមួយក្រុមហើយរករឿងវាយទៅលើអ្នកជិះរថយន្តក្រុងនោះ។ខណៈនោះត្រូវកម្លាំងអាវុធហត្ថ ខណ្ឌចំការមនចាប់ខ្លួនភ្លាមៗនៅតាមផ្លូវម៉ៅសេទុងកែងនឹងផ្លូវព្រះមុនីវង្ស ម្តុំស្តុបបូកគោ សង្កាត់បឹងត្របែកខណ្ឌចម្ការមនយកទៅសាកសួរ ៕
ប្រភព៖ សហការី
