ក្រចេះ៖ កាលពីព្រឹកថ្ងៃទី ២៨ ខែមករា ឆ្នាំ២០២២កន្លងមកនេះ មានករណីអគ្គីភ័យបានឆាបឆេះឡចំអិនជ័រកៅស៊ូក្រែបមួយកន្លែងនៅ ភូមិស្ទឹងទ្រ ស្រុកព្រែកប្រសព្វ ខេត្តក្រចេះ។
នេះបើយោងតាមការចេញបញ្ជាក់របស់សមត្ថកិច្ចបានអោយដឹងថាក្នុងហេតុការណ៍បណ្តាលអោយរខូចខាតគិតជាទឹកប្រាក់ប្រមាណជាង២ម៉ឺនដុល្លារ ប៉ុន្តែមិនបណ្តាលឱ្យមានគ្រោះថ្នាក់ដល់មនុស្សទេ។ ទីតាំងខាងលើជារបស់ឈ្មោះ អ៊ឹង ម៉េងទី ភេទប្រុស អាយុ ៣០ឆ្នាំ។
ចំពោះសំភារៈដែលបាត់បង់រួមមាន ជ័រកៅស៊ូក្រែបចំនួន២.០០០គីឡូក្រាម,ឡមួយដំបូលទំហ៊ំទទឹង៥ម x ១៥ម ។ សមត្ថកិច្ចបានប្រើរថយន្តទឹកមួយគ្រឿង ទើបអាចគ្រប់គ្រង់ និងពន្លត់អគ្គីភ័យនេះបាន៕
