ពោធិ៍សាត់៖ នេះបើយោងតាមដីកាបង្គាប់បណ្ដោះអាសន្ន លេខ៣០ ឃ.ខ/២២ នារសៀលថ្ងៃព្រហស្បត្តិ៍ ១០រោច ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៧ ខែមករា ឆ្នាំ២០២២ របស់ចៅក្រមសើបសួរនៃសាលាដំបូងខេត្តពោធិ៍សាត់ ដើម្បីធានាក្នុងការសើបសួរឲ្យបានល្អ បានបញ្ជាឲ្យភ្នាកងារមានសមត្ថកិច្ច នាំខ្លួនជនត្រូវជាប់ចោទឈ្មោះ ហ៊ុ ហាត ភេទប្រុស អាយុ ៣០ឆ្នាំ ជនជាតិខ្មែរ ទីកន្លែងកំណើត ភូមិស្វាយជ្រុំ ឃុំបឹងបត់កណ្ដោល ស្រុកបាកាន ខេត្តពោធិ៍សាត់ ពីបទហិង្សាដោយចេតនាមានស្ថានទម្ងន់ទោស ដែលប្រព្រឹត្តកាលពីថ្ងៃទី២៦ ខែមករា ឆ្នាំ២០២២ ស្ថិតនៅភូមិស្វាយជ្រុំ ឃុំបឹងបត់កណ្ដោល ស្រុកបាកាន ខេត្តពោធិ៍សាត់ ដោយជនសង្ស័យខាងលើបានដុតឪពុកបង្កើតទាំងរស់ថា ដូចដុតត្រី។
ក្នុងនោះលោក ឧត្ដមសេនីយ៍ត្រី ម៉ូ លីដា ស្នងការរងទទួលផែនការងារព្រហ្មទណ្ឌនៃស្នងការដ្ឋាននរគបាលខេត្តពោធិ៍សាត់បានបញ្ជាក់បន្ថែមទៀតថា ជនសង្ស័យត្រូវបានចៅក្រមចោទ និងចេញដីកាឃុំខ្លួន(ហ៊ុ ហាត)បានធ្វើសកម្មភាពចាប់ឪពុកបង្កើតឈ្មោះ ខំ ហ៊ា អាយុ ៦៧ឆ្នាំ ជនជាតិខ្មែរ ផ្ដួលអូសយកទៅដាក់លើគំនរសំរាម រួចយកដែកកេះដុតដោយនិយាយថា ដុតត្រីស៊ី បណ្ដាលឲ្យរលាកមួយចំហៀងខ្លួន(ធ្ងន់)ប៉ុន្តែសំណាងល្អបានសាច់ញ្ញាតិក្បែខាងជួយអន្តរាគមន និងបញ្ជូនទៅមន្ទីរពេទ្យបង្អែកស្រុកបាកាន ដើម្បីជួយសង្គ្រោះទាន់ពេល ៕
