នាថ្ងៃទី២៦ និង២៧ ខែមករា ឆ្នាំ២០២២ មន្ត្រីជំនាញ ក.ប.ប. សាខារាជធានីភ្នំពេញ ខេត្តបន្ទាយមានជ័យ ខេត្តស្វាយរៀង ខេត្តកណ្ដាល ខេត្តកំពង់ចាម និងខេត្តព្រៃវែងនៅតែបន្តការពារសិទ្ធិដល់អ្នកប្រើប្រាស់ ទប់ស្កាត់អំពើមិនសុចរិតក្នុងធុរកិច្ចប្រេងឥន្ធនៈ និងអំពើមិនស្មោះត្រង់ណាមួយតាមរយៈប្រតិបត្តិការត្រួតពិនិត្យតាមបណ្ដាស្ថានីយ/ដេប៉ូប្រេងឥន្ធនៈស្ថិតក្នុងភូមិសាស្ត្រ នៃខេត្តខាងលើ។
តាមលទ្ធផល នៃការត្រួតពិនិត្យមន្ត្រីជំនាញបានរកឃើញមិនមានអនុលោមភាពចំនួន ៩ទីតាំងក្នុងចំណោម ២៧ទីតាំងដែលបានត្រួតពិនិត្យ និងពិន័យទៅតាមនីតិវិធី៕
ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF
