ក្រចេះ៖ កម្លាំងនគរបាលជំនាញព្រហ្មទណ្ឌនៃអធិការដ្ឋាននគរបាលស្រុកស្នួល ដឹកនាំដោយលោកវរសេនីយ៍ឯក ចាន់ សុខគីម អធិការនគរបាលស្រុក នៅល្ងាចថ្ងៃទី២០ ខែមករា ឆ្នាំ ២០២២ បានតាមស្រាវជ្រាវឃាត់ខ្លួនជនសង្ស័យម្នាក់ ពាក់ព័ន្ធករណីលួចរថយន្ត។
លោកវរសេនីយ៍ឯក ចាន់ សុខគីម អធិការនគរបាលស្រុកស្នួល បានឱ្យដឹងថាជនសង្ស័យឈ្មោះ សឿន សា អាយុ៣៤ឆ្នាំ រស់នៅភូមិអំពុក ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ (ជាមុខសញ្ញាប្រើប្រាស់គ្រឿងញៀន និង ធ្លាប់ជាប់ពន្ឋនាគារពាក់ព័ន្ឋអំពើលួច)។
សមត្ថកិច្ចនគរបាលបានដកហូតវត្ថុតាង៖ រថយន្ត០១គ្រឿង ម៉ាកឆ្លាម ពណ៌ទឹកមាស ស៊េរីឆ្នាំ១៩៩៧ ពាក់ស្លាកលេខភ្នំពេញ2J-2042 ដែលជនសង្ស័យបានធ្វើសកម្មភាពលួច ពេលម្ចាស់រថយន្តបានចតទុកនៅក្បែរផ្លូវចំណុចគីឡូម៉ែត្រ៩៤ ភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ និងបានព្យាយាមជិះរត់គេចតែមិនបានសម្រេច។
បច្ចុប្បន្នកម្លាំងនគរបាលស្រុកស្នួល បានសាកសួរយកចម្លើយ និងកសាងសំណុំរឿងបញ្ជូនទៅតុលការដើម្បីចាត់ការតាមនីតិវិធី ៕
