ភ្នំពេញ៖ កាលពីម៉ោងប្រមាណ១យប់រំលងអាធ្រាត្រ ឈានចូលថ្ងៃទី២០ ខែមករា ឆ្នាំ២០២២ មានករណីរថយន្ដបុកម៉ូតូបណ្ដាលឲ្យម្ចាស់ម៉ូតូកៀបជាប់នៅខាងក្រោមរថយន្ដអុសជាច្រេីនម៉ែត្របណ្ដាលឲ្យរងរបួសធ្ងន់ ហេតុការណ៍នេះស្ថិតតាមផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
បើយោងតាមប្រភពពីកន្លែងកើតហេតុបានអោយដឹងថារថយន្តព្រូសពាកស្លាកលេខភ្នំពេញ 2AN-0700 ដោយឡែកម៉ូតូមិនទានស្គាល់អត្តសញ្ញាណនោះទេ។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌសែនសុខបានចុះមកធ្វើការវាស់វែង នឹងយករថយន្តជាមួយម៉ូតូទៅរក្សាទុករងចាំការដោះស្រាយតាមពេលក្រោយ៕
