ភ្នំពេញ៖ នៅថ្ងៃទី១៨ ខែមករា ឆ្នាំ២០២២ វេលាម៉ោង២០:៤៥នាទី កម្លាំងការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌ ដឹកនាំដោយ លោកវរសេនីយ៍ទោ ទូច រិទ្ធី នាយរងការិយាល័យព្រហ្មទណ្ឌកំរិតស្រាល បានជិះល្បាតម្តុំបឹងត្របែក ផ្លូវ១០៥ សង្កាត់បឹងត្របែក ខណ្ឌចំការមន រាជធានីភ្នំពេញ ក៏ប្រទះឃេីញជនសង្ស័យចំនួន០២នាក់ ជិះម៉ូតូចំនួន០១គ្រឿង ម៉ាកហុងដាឌ្រីមសង់១២៥ ពណ៌ខ្មៅ ផលិតឆ្នាំ២០១៥ ពាក់ស្លាកលេខ ភ្នំពេញ 1FE-៣៨៨៤ ធ្វេីសកម្មភាពឆក់កាបូបស្ពាយពីនារីរងគ្រោះជិះម៉ូតូ០២នាក់ប្តីប្រពន្ធតែមិនបានសម្រេច ពេលនោះកម្លាំងជំនាញធ្វេីការប្រដេញរហូតដល់ផ្លូវ២៧១ សង្កាត់ទំនប់ទឹក ខណ្ឌចំការមន រាជធានីភ្នំពេញ ទេីបធ្វេីការឃាត់ខ្លួន។
ជនសង្ស័យ ទី១៖ ឈ្មោះ សុខ ពៅ ភេទប្រុស អាយុ១៧ឆ្នាំ និងទី២៖ ឈ្មោះ ម៉េង សុខជុង ភេទប្រុស អាយុ១៩ឆ្នាំ។ ដកហូតមធ្យោបាយធ្វេីសកម្មភាព ម៉ូតូ០១គ្រឿង ម៉ាកហុងដាឌ្រីមសង់១២៥ ពណ៌ខ្មៅ ពាក់ស្លាកលេខ ភ្នំពេញ 1FE-3884។
បច្ចុប្បន្ន ជនសង្ស័យខាងលើ ត្រូវបាននាំមកកាន់នាយកដ្ឋាន ដេីម្បីធ្វេីការសាកសួរ និងកសាងសំណុំរឿង បញ្ជូនទៅអយ្យការអមសាលាដំបូងរាជធានីភ្នំពេញ ចាត់ការបន្តតាមនីតិវិធី៕
ប្រភព៖ នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ
