នាថ្ងៃទី១៨ ខែមករា ឆ្នាំ២០២២ មន្ត្រីជំនាញ ក.ប.ប. សាខាខេត្តកំពង់ស្ពឺ និងខេត្តកំពង់ចាម បានបន្តប្រតិបត្តិការចុះត្រួតពិនិត្យតាមបណ្ដាស្ថានីយ/ដេប៉ូប្រេងឥន្ធនៈដើម្បីទប់ស្កាត់អំពើមិនសុចរិតណាមួយក្នុងវិស័យប្រេងឥន្ធនៈតាមរយៈការកេងប្រវ័ញ និងបន្លំណាមួយពីអតិថិជន ឬអ្នកប្រើប្រាស់ទូទៅ។ យោងទៅតាមលទ្ធផលនៃការត្រួតពិនិត្យមន្ត្រីជំនាញបានរកឃើញដេប៉ូចំនួន ៥ទីតាំងមិនមានអនុលោមភាពក្នុងចំណោម ៨ស្ថានីយ/ដេប៉ូដែលបានត្រួតពិនិត្យ និងធ្វើការពិន័យទៅតាមនីតិវិធីផងដែរ។
ក្នុងថ្ងៃដដែលនោះផងដែរ មន្ត្រី ក.ប.ប. សាខាខេត្តកណ្ដាលបានសហការជាមួយក្រឡាបញ្ជីខេត្ត និងអាជ្ញាធរខេត្តចុះកាត់សៀលជូនដេប៉ូប្រេងចំនួន ២ទីតាំង និងអនុញ្ញាតឱ្យបើកអាជីវកម្មឡើងវិញបន្ទាប់ពីបានធ្វើការកែតម្រូវទៅតាមបទប្បញ្ញត្តិបច្ចេកទេសដែលមានចែង។
