កំពង់ស្ពឺ៖ ក្រោមបញ្ជាដឹកនាំយ៉ាងម៉ឺងម៉ាត់ពីសំណាក់ លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ កម្លាំងនគរបាល នៃអធិការដ្ឋាននគរស្រុកឧដុង្គ ដឹកនាំដោយលោកវរសេនីយ៍ឯក ខឹម សាម៉ុន អធិការស្រុក បានឃាត់ខ្លួនក្រុមជនសង្ស័យចំនួន០២នាក់ ពាក់ព័ន្ធករណីលួចមានស្ថានទម្ងន់ទោស(ឆក់ទូរស័ព្ទ) កាលពីថ្ងៃទី១២ ខែមករា ឆ្នាំ២០២២ វេលាម៉ោង១៥និង០០នាទី នៅចំ ណុចភូមិពោធិ៍កោង ឃុំព្រះស្រែ ស្រុកឧដុង្គ។
សមត្ថកិច្ចបានឲ្យបានដឹងថាជនសង្ស័យទី១-ឈ្មោះ ហេង សុខមាន ភេទប្រុស អាយុ១៧ឆ្នាំ នៅភូមិដំណាក់ព្រីង ឃុំព្រះស្រែស្រុកឧដុង្គ, ទី២-ឈ្មោះ អឿន ថាច់ផៃ ភេទប្រុស អាយុ១៧ឆ្នាំ ភូមិប្រវឹកពង ឃុំព្រះស្រែ ស្រុកឧដុង្គ។ ចំណែកជនរងគ្រោះ រស់នៅភូមិព្រៃច្រាបលិច ឃុំវាលពង់ និងភូមិពោធិ៍កោង ឃុំព្រះស្រែ ស្រុកឧដុង្គ ។
សម្ភារៈថវិកា ដែលបានដកហូតរួមមានៈ ម៉ូតូ ១គ្រឿងស្លាកលេខ 1AE-4214 កណ្តាល របស់ជនល្មើស ប្រាក់ដុល្លារចំនួន៦០០ដុល្លារ, ប្រាក់រៀល ចំនួន១០០.០០០រៀលនិងលោហៈពណ៌ទង់ ដែង១ខ្សែរទំងន់៣ជី(ខ្សែដៃ) របស់ជនរងគ្រោះ។
បច្ចុប្បន្នជនសង្ស័យរួមជាមួយវត្ថុតាងមធ្យោបាយធ្វើសកម្មភាពត្រូវបានឃាត់បញ្ជូនមកអធិការដ្ឋាននគរបាលស្រុកឧដុង្គធ្វើការសាកសួរ និងកសាងសំ ណុំរឿងបញ្ជូនទៅស្នងការដ្ឋាននគរបាលខេត្ដដើម្បី បន្ដនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
