កោះកុង៖ ម៉ោងប្រមាណជាង៣រសៀល នាថ្ងៃទី៩ ខែមករា ឆ្នាំ២០២២ ត្រង់ចំណុចភូមិ៣ សង្កាត់ស្មាច់មានជ័យ ក្រុងខេមរភូមិន្ទ មានហេតុការណ៍បុរសម្នាក់បានស្លាប់បាត់បង់អាយុជីវិតភ្លាមៗ ដោយសារគាំងបេះដូង នៅលើរថយន្តរបស់ខ្លួនម៉ាក់ត្រៃតុន ខណៈកំពុងបើកបរនៅតាមដងផ្លូវ។
បើយោងតាមប្រភពសមត្ថកិច្ចបានអោយដឹងថា ជនរងគ្រោះមានឈ្មោះ ណូ ពៅ ភេទប្រុស អាយុ ៥៤ឆ្នាំ មុខរបរលក់ដូរ បច្ចុប្បន្នរស់នៅភូមិ២ សង្កាត់ស្មាច់មានជ័យ ក្រុងខេមរភូមិន្ទ បានស្លាប់ដោយសារគាំងបេះដូង ។ ក្រោយការពិនិត្យពីសមត្ថកិច្ចជំនាញ សាកសព រួមទាំងរថយន្តនិងសម្ភារៈលើរថយន្ត ត្រូវបានសមត្ថកិច្ចប្រគល់ជូនប្រពន្ធជនរងគ្រោះដើម្បីយកទៅធ្វើបុណ្យតាមប្រពៃណី ៕
ប្រភព៖ សហការី
