ភ្នំពេញ៖ កាលពីម៉ោងជាង១០ព្រឹក ថ្ងៃទី៥ ខែមករា ឆ្នាំ២០២២ មានករណីលួចកង់បីមួយបានកើតឡើងនៅចំនុចសង្កាត់ស្ទឹងមានជ័យទី១ ខណ្ឌមានជ័យ ក្រុងភ្នំពេញ ដោយក្នុងនោះ ជនសង្ស័យម្នាក់ ក្នុងចំណោមបក្ខពួក ២នាក់ ដែលបានលួចម៉ូតូកង់បី ពីខណ្ឌសែនសុខ ត្រូវសមត្ថកិច្ចឆែកតាមប្រព័ន្ធGPS តាមចាប់ដាក់ខ្នោះបានម្នាក់នៅខណ្ឌមានជ័យ។
បើយោងតាមកការបញ្ជាក់ពីសមត្ថកិច្ចបានឱ្យដឹងថាជនសង្ស័យឈ្មោះ មិត្ត ភេទ ប្រុស អាយុ ១៩ឆ្នាំ ស្នាក់នៅស្ទឹងមានជ័យ ខណ្ឌមានជ័យ។ ក្នុងនោះបានដកហូតម៉ូតូម៉ាកToday ផ្លាកលេខ កំពត 1N 5934 ជារបស់ជនសង្ស័យ ជាមួយម៉ូតូកង់បីមួយគ្រឿង។ ក្រោយចាប់ខ្លួនសមត្ថកិច្ចសង្កាត់ស្ទឹងមានជ័យទី១ បានប្រគល់ជនសង្ស័យ និងម៉ូតូកង់បី និងម៉ូតូរបស់ជនសង្ស័យ ទៅប៉ុស្តិ៍រដ្ឋបាលសង្កាត់ទឹកថ្លាខណ្ឌសែនសុខដើម្បីចាត់ការបន្ត៕
ប្រភព៖ សហការី
