មណ្ឌលគិរី៖ គួរបញ្ជាក់ផងដែរថាមកដល់ពេលនេះកម្លាំងនគរបាលខេត្តមណ្ឌលគិរី មិនទាន់ចាប់បាននៅឃាតក ដែលយកដំបងឈើវាយមនុស្សឱ្យស្លាប់ក្នុងវង់ផឹកស៊ីហើយរត់គេចខ្លួននោះនៅឡើយទេ។
ក្នុងនោះមន្ត្រីនគរបាលបានឱ្យដឹងថា អំពើឃាតកម្មសម្លាប់មនុស្សក្នុងវង់ផឹកស៊ីមូយកាលពីថ្ងៃទី១ ខែមករា ឆ្នាំ២០២២ នៅភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរីនោះសមត្ថកិច្ចមិនទាន់ចាប់បានឃាតកនៅឡើយទេ។ ជនសង្ស័យមានឈ្មោះ ហុក សុខា អាយុ ២២ឆ្នាំ កំពុងរត់គេចខ្លួនបន្ទាប់ពីបានយកដំបងឈើវាយទៅលើជនរងគ្រោះឈ្មោះ ឆាន រ៉ុន ភេទ ប្រុស អាយុ ៣២ឆ្នាំ ជាកសិកររស់នៅភូមិឃុំខាងលើ។ ជនរងគ្រោះបានរងបួសចំក្បាលផ្នែកខាងក្រោយ និងចំហៀងត្រចៀកផ្នែកខាងឆ្វេង ហើយបាន ស្លាប់កាលពីថ្ងៃទី៣ ខែមករា ឆ្នាំ២០២២៕
ប្រភព៖ សហការី
