ថ្ងៃទី០៤ ខែមករា ឆ្នាំ២០២២ មន្ត្រីជំនាញ ក.ប.ប. សាខាខេត្តកណ្ដាល ខេត្តស្វាយរៀង ខេត្តសៀមរាប ខេត្តកំពង់ធំ និងរាជធានីភ្នំពេញបានបន្តប្រតិបត្តិការការពារផលប្រយោជន៍ជូនអ្នកប្រើប្រាស់ និងទប់ស្កាត់អំពើមិនសុចរិតក្នុងធុរកិច្ចប្រេងឥន្ធនៈតាមរយៈការចុះត្រួតពិនិត្យតាមបណ្ដាស្ថានីយ/ដេប៉ូប្រេងឥន្ធនៈស្ថិតក្នុងស្រុកខ្សាច់កណ្ដាលនៃខេត្តកណ្ដាល ស្រុករមាសហែកនៃខេត្តស្វាយរៀង ផ្លូវក្រវ៉ាត់ក្រុងនៃខេត្តសៀមរាប ស្រុកបារាយណ៍និងស្រុកសន្ទុកនៃខេត្តកំពង់ធំ និងរាជធានីភ្នំពេញ។ យោងតាមលទ្ធផល ឃើញថាមានដេប៉ូចំនួន ១៤ទីតាំងក្នុងចំណោមស្ថានីយ/ដេប៉ូចំនួន ២៦ទីតាំងដែលបានត្រួតពិនិត្យមិនមានភាពអនុលោម និងមន្ត្រីជំនាញធ្វើការពិន័យទៅតាមនីតិវិធី៕
ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF
