កណ្ដាល៖ កាលពីយប់ថ្ងៃទី២៦ ខែធ្នូ ឆ្នាំ២០២១ មានករណីហឹង្សាមួយបានកើតឡើងនៅក្នុងវង់ផឹកស៊ីមួយកន្លែង បណ្តាលអោយបុរសម្នាក់របួសធ្ងន់ ដែលហេតុការណ៍កើតឡើងនៅចំណុចនៅភូមិតាពេជ ឃុំឈ្វាំង ស្រុកពញាឮ ខេត្តកណ្តាល។
បើយោងតាមប្រភពពីសមត្ថកិច្ចបានអោយដឹងថាជនសង្ស័យឈ្មោះ អ៊ុន សំអឿន អាយុ ៣៥ឆ្នាំ ជាកម្មកររោងចក្រ ទីលំនៅភូមិ ឃុំខាងលើ។ ចំណែកជនរងគ្រោះឈ្មោះ ឆាយ សារ៉ុម ហៅ វីត អាយុ ៣៥ឆ្នាំ នៅភូមិឃុំជាមួយគ្នា។ ចំពោះមូលហេតុដែលបង្កអោយមានការកាប់ប្រហារគ្នាក្នុងវង់ផឹកស៊ី ដោយសារតែការប៉ះទង្គិចពាក្យសម្តីគ្នា។ ក្រោយកើតហេតុ នៅព្រឹកឡើងថ្ងៃទី២៧ ខែធ្នូ នគរបាលប៉ុស្តិ៍រដ្ឋបាលឈ្វាំងចុះទៅកន្លែងកើតហេតុបានស្រាវជ្រាវចាប់ជនសង្ស័យជាមួយវត្ថុតាងមានកាំបិតបុ័ងតោចំនួន២ ដំបងឈើមូល១កំណាត់ បញ្ជូនទៅអធិការដ្ឋាននគរបាលស្រុកពញាឮដើម្បីចាត់ការតាមនីតិវិធី៕
ប្រភព៖ សហការី
