ព្រះសីហនុ៖ (ដំណឹងមានបឋម) នេះបើយោងតាមការបញ្ជាក់របស់សមត្ថកិច្ចឲ្យដឹងថា នៅថ្ងៃទី២៤ ខែធ្នូ ឆ្នាំ២០២១ វេលាម៉ោងជិត៨កន្លះព្រឹក លើផ្លូវជាតិលេខ៤ ចន្លោះគីឡូម៉ែត្រលេខ ១៦២-១៦៣ស្ថិតនៅភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍រថយន្ដ ០១គ្រឿង ម៉ាក TOYOTA PRIUS ពណ៌ស ពាក់ផ្លាកលេខ ភ្នំពេញ 2BL-8317 ទិសដៅភ្នំពេញ -ខេត្តព្រះសីហនុ អ្នកបើកបរមិនស្គាល់អត្តសញ្ញាណ មកដល់ចំណុចកើតហេតុបានឡើងវ៉ាជែងរថយន្ដ០១គ្រឿង រួចជ្រុលទៅបុកប៉ះរថយន្ត០១គ្រឿង ម៉ាក HYUNDAI ពណ៌ស ពាក់ផ្លាកលេខ កំពង់ស្ពឺ 3A-8787 ទិសដៅផ្ទុយគ្នា អ្នកបើកបរមិនស្គាល់អត្តសញ្ញាណ។
ក្នុងករណីគ្រោះថ្នាក់ចរាចរណ៍ខាងលើនេះបណ្ដាលអោយមានមនុស្សរងរបួសចំនួន ០៦ នាក់ (ស្រី០២នាក់)។ បច្ចុប្បន្នជនរងគ្រោះបានបញ្ជូនទៅសម្រាកព្យាបាលនៅគ្លីនិចឯកជន វាលរេញ រីឯវត្ថុតាងបានយកមករក្សាទុកបណ្ដោះអាសន្ននៅអធិការដ្ឋាននគរបាលស្រុកព្រៃនប់ ដោះស្រាយបន្ត៕
ប្រភព៖ Huy Bunleng News
