ភ្នំពេញ៖ កាលពីម៉ោងប្រមាណ ០០:២០នាទី រំលងអាធ្រាត្រឈានចូលថ្ងៃទី២២ ខែធ្នូ ឆ្នាំ២០២១នេះ មានករណីកាប់គ្នាមួយបានកើតនៅចំណុចផ្លូវលេខ៤៧ មុខមន្ទីរពហុព្យាបាល សុខចិត្តដូនពេញ ក្នុងសង្កាត់ស្រះចក ខណ្ឌដូនពេញ។
បើតាមប្រភពពីជនរងគ្រោះបានអោយដឹងថា ក្រុមជនសង្ស័យដែលបានធ្វើការសកម្មភាពដេញកាប់ពួកគេនោះ គឺ ក្រុម “CKC + បុរីកីឡា BRKL” ដែលកាប់នៅចំនុចផ្លូវ២៤០ ជិតសួនវត្តបទុមវតី បណ្តាលអោយរងរបួសធ្ងន់ម្នាក់ ហើយក្រុមនោះក៏បាននាំគ្នារត់បាត់ស្រមោលតែម្តង។ ខណៈពេលដែលដឺកជនរងគ្រោះមកដល់មន្ទីរពហុព្យាបាល សុខចិត្តដូនពេញ ក្រុមជនសង្ស័យដដែរ បានតាមមកកាប់ម្តងទៀតជាលើកទី២។ ក្នុងនោះក្រុមជនសង្ស័យបានយកឯកសារកាតគ្រីក្រោមកែបម៉ូតូ រួចដកសោរម៉ូតូយកទៅបាត់ បណ្ដាលឲ្យខូចខាតម៉ូតូ៣គ្រឿង (Nex ១គ្រឿង Scoopy ២គ្រឿង)៕
