ភ្នំពេញ៖ កាលពីវេលាម៉ោងប្រមាណ ១១:១០នាទីយប់ ថ្ងៃទី១០ ខែធ្នូ ឆ្នាំ២០២១កន្លងទៅនេះ មានករណីគ្រោះថ្នាក់ចរាចរណ៍មួយកើតឡើងនៅចំនុច ផ្លូវលេខ២១៧ ត្រង់ចំណុចមុខផ្សារព្រែកជ្រៃក្នុងសង្កាត់ស្ពានថ្ម ខណ្ឌសែនសុខ ដោយរថយន្តមួយគ្រឿងបានបុកសួនច្បារពុះចែកផ្លូវក្រឡាប់ជាច្រេីនត្រឡប់ទៅគងលើរទេះលក់បាយឆា។
បើយោងតាមប្រភពពីកន្លែងកើតហេតុបានអោយដឹងថា រថយន្តបង្កពាក់ស្លាកលេខនំពេញ 2AP -7876 ពីត្បូងទៅជើងក្នុងល្បឿនលឿនដូចហោះ ខណៈមកដល់ចំណុចកើតហេតុខាងលើស្រាប់តែ ជ្រុលទៅបុកសួនច្បារពុះចែកទ្រូងផ្លូវបណ្តាលអោយហោះរំលងសួនក្រឡាប់អូសជាច្រើនម៉ែត្រទៅគងលើរទេះលក់បាយឆាមីឆាធ្វើឱ្យអ្នកកំពុងទទួលទានមីឆាបាយឆាយ៉ាងឆ្ងាញ់នោះរត់ចែកជើងគ្នាសឹងតែមិនទាន់ ប៉ុន្តែសំណាងល្អគឺមិនមានអ្នករបួស។
ក្រោយកើតហេតុសមត្ថកិច្ចបានចុះទៅដល់កើតហេតុនឹងបានយកម្ចាស់រថយន្ត និងរថយន្តទៅធ្វើការដោះស្រាយតាមនីតិវិធីច្បាប់៕
