កំពង់ស្ពឺ៖ នៅថ្ងៃទី១០ ខែធ្នូ ឆ្នាំ២០២១នេះសមត្ថកិច្ចបានធ្វើការឃាត់ខ្លួនជនសង្ស័យ ២នាក់ ពីករណីលួចគោព្រលះយកសាច់លក់ នៅចំណុចវត្តតាំងហោង ក្នុងភូមិឈើនាងខ្ពស់ ឃុំតាំងស្យា ស្រុកភ្នំស្រួច ខេត្តកំពង់ស្ពឺ ដែលប្រព្រឹត្តទៅរសៀលថ្ងៃទី៩ ខែធ្នូ ឆ្នាំ២០២១កន្លងមក។
បើយោងតាមប្រភពពីសមត្ថកិច្ចបានអោយដឹងថា ជនសង្ស័យទី១ ឈ្មោះ ពាំង ឈា ភេទប្រុស អាយុ ៣៦ឆ្នាំ និងម្នាក់ទៀតឈ្មោះ ម៉ុន វណ្ណា ភេទប្រុស អាយុ ៤០ឆ្នាំ។
ប្រភពដដែរបន្តថា កាលពីរសៀលថ្ងៃទី៩ ខែធ្នូ ឆ្នាំ២០២១ ជនសង្ស័យទាំង ២នាក់បានធ្វើសកម្មភាពលួចគោញីមួយក្បាល នៅភូមិដក់ពរ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ យកទៅព្រលះសាច់លក់។ បច្ចុប្បន្នសមត្ថកិច្ចបានកសាងសំណុំរឿងទៅ សាលាដំបូងខេត្តកំពង់ស្ពឺ ដើម្បីចាត់ការតាមនីតិវិធី៕
