ភ្នំពេញ៖ នៅវេលាម៉ោង ០៦:៣០ នាទីព្រឹក ថ្ងៃសុក្រ ១០កើត ខែមិគសិរ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១០ ខែធ្នូ ឆ្នាំ២០២១ មានករណីអគ្គីភ័យមួយកន្លែងបានកើតឡើងនៅចំណុចសំណង់មិនរៀបរយ សិ្ថតនៅផ្លូវរទះភើ្លង ភូមិ៣ ក្រុម៣៤,៣៥,៣៩ សង្កាត់ស្រះចក ខណ្ឌដូនពេញ រាជធានីភ្នំពេញ ។
ក្នុងនោះម្ចាស់ទីតាំងមានឈ្មោះ សាន ដេន ភេទ ស្រី អាយុ ៥៨ ឆ្នាំ មុខរបរ នៅផ្ទះ ។ ដោយឡែកមូលហេតុបង្កអោយអគ្គិភ័យ គឺបណ្តាលមកពីឆ្លង់ចរន្តអគិ្គសនី ក្នុងនោះបានឆេះផ្ទះអស់ ៨០ខ្នង ។ នៅប្រតិបត្តិការណ៍នេះប្រេីប្រាស់រថយន្តការិយាល័យអគ្គិភ័យ : ចំនួន ២៥ គ្រឿង ប្រេីប្រាស់ទឹកអស់ ៧៥ រថយន្ត ស្មើរនឹង ៣០០ ម៉ែត្រគូប ។
ក្នុងនោះរួមមានរថយន្តជំនួយអន្តរាគមន៍:
– រថយន្តក្រសួងមហាផៃ្ទចំនួន ០២ គ្រឿង ប្រើប្រាស់ទឹកអស់ ០៦ រថយន្ត សើ្មរនឹង ៣៦ម៉ែត្រគូប ។
– រថយន្តអង្គភាព ង៧០ ចំនួន ០៤ គ្រឿង ប្រើប្រាស់ទឹកអស់ ០៤ រថយន្ត សើ្មរនឹង ២០ម៉ែត្រគូប ។
– រថយន្តOCICទីក្រុងជ្រោយចង្វារចំនួន ០៨ គ្រឿង ប្រើប្រាស់ទឹកអស់ ២៤ រថយន្ត សើ្មនឹង ៩៦ម៉ែត្រគូប ។
– រថយន្តទីក្រុងកោះពេជ្រចំនួន ០៣ គ្រឿង ប្រើប្រាស់ទឹកអស់ ០៩ រថយន្ត សើ្មនឹង ៣៦ម៉ែត្រគូប ។
– រថយន្តទីក្រុងអូឡាំព្យាចំនួន ០២ គ្រឿង ប្រើប្រាស់ទឹកអស់ ០៦ រថយន្ត សើ្មនឹង ២៤ម៉ែត្រគូប ។
– រថយន្តក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ ០៣ រថយន្ត សើ្មនឹង ១២ម៉ែត្រគូប ។
– ពន្លត់ចប់ : នៅវេលាម៉ោង ០៨និង០០នាទីព្រឹក ថ្ងៃខែឆ្នាំដដែល៕
