កំពង់ស្ពឺ ៖ នៅថ្ងៃទី ០៥ ខែធ្នូ ឆ្នាំ២០២១ វេលាម៉ោង០៦.៣០នាទីព្រឹក នៅលើផ្លូវជាតិលេខ4 ចន្លោះគីឡូម៉ែត្រលេខ 80-81 ត្រង់ចំណុចភូមិ ពាមទុង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានករណីក្មេងប្រុសម្នាក់ បើកម៉ូតូដួលចូលរថយន្តបណ្តាលឲ្យកិនស្លាប់ ។
សមត្ថកិច្ចបានអោយដឹងថា មុនពេលកើតហេតុមានម៉ូតូ01គ្រឿង ម៉ាកហុងដាC125 ពណ៌ខ្មៅ ពាក់ស្លាកលេខភ្នំពេញ 1FO-2293 បើកបរដោយឈ្មោះ ពិន រ៉ាន់ ភេទប្រុស អាយុ14ឆ្នាំ នៅភូមិដំណាក់ត្រាច ឃុំដំបូករូង ស្រុកភ្នំស្រួច បើកបរពីទិសខាងកើតទៅទិសខាងលិច ដល់ចំណុចខាងលើបានដួលចូលរថយន្ត01គ្រឿង មិនស្គាល់ម៉ាក អ្នកបើកបរមិនស្គាល់អត្តសញ្ញាណ(បើករត់គេច)ដែលកំពុងបើកបរបញ្ច្រាសទិសគ្នា បណ្តាលឲ្យឈ្មោះ ពិន រ៉ាន់ ស្លាប់នៅនិងកន្លែងកើតហេតុ សពបានប្រគល់ជូនសាច់ញាតិយកទៅធ្វើបុណ្យតាមប្រពៃណី ។ ចំពោះវត្ថុតាងម៉ូតូ យកមករក្សាទុកនៅប៉ុស្តិ៍នគរបាលរដ្ឋបាលអូរ ដើម្បីស្រាវជ្រាវរករថយន្តបង្ក៕
ប្រភព៖ អគ្គស្នងការដ្ឋាននគរបាលជាតិ
