ស្ទឹងត្រែង៖ កាលពីវេលាម៉ោងប្រមាណ ១៨:៣០នាទី ល្ងាចថ្ងៃទី០៣ ខែធ្នូ ឆ្នាំ២០២១ម្សិលមិញនេះ កម្លាំងជំនាញការិយាល័យន/បព្រហ្មទណ្ឌកំរិតស្រាល បានធ្វើការឃាត់ខ្លួនជនសង្ស័យម្នាក់ ដែលល្បីល្បាញក្នុងបណ្តាញសង្គមហ្វេសប៊ុក រឿងចែកលុយអោយអ្នកចូលមើលវីដេអូឡាយរាប់ម៉ឺនដុល្លារ។
បើយោងតាមកប្រភពពីសមត្ថកិច្ចបានអោយដឹងថាជនសង្ស័យមានឈ្មោះ កុង សិលា ភេទប្រុស អាយុ២៩ ឆ្នាំ មានទីលំនៅភូមិវាលខ្សាច់ ឃុំថាឡាបរិវ៉ាត ស្រុកថាឡាបរិវ៉ាត់ ខេត្តស្ទឹងត្រែង ពីអធិការដ្ឋាននគរបាលស្រុកថាឡាបរិវ៉ាត់ ក្នុងបទល្មើសឆបោក (online) និងចរាចរណ៏ប្រាក់ដុល្លារក្លែងក្លាយកាលពីអំឡុងខែ កក្កដា ឆ្នាំ ២០២១។ ក្នុងនោះកម្លាំងជំនាញធ្វើការចាប់យកវត្ថុតាងរួមមាន៖
-លុយសែនចំនួន ១០ដុំ (ក្រដាស១០០ដុល្លារ) លុយហ្វូតូគុបពីក្រដាស១០០$ ។
-កងដៃមួយឈុតមាន៧កងជាលោហធាតុពណ៏លឿង
-ទូរស័ព្ទNចុចពិល ដែលមានលេខ0314444676
-ខ្សែកកាឡៃចំនួន 3 ខ្សែ ជាលោហៈធាតុពណ៌លឿង
-សែដៃមួយខ្សែ កាឡៃ ជាលោហៈធាតុពណ៌លឿង
-វិក័យប័ត្រ ផ្ញើអីវ៉ាន់ ជូនអតិថិជនចំនួន 223សន្លឹក
-ទូរសព្ទដៃម៉ាកវីវ៉ូនិងស៊ីមកាតចំនួន 4 ។
បច្ចុប្បន្នជនសង្ស័យខាងលើកំពុងឃាត់ខ្លួននៅស្នងការដ្ឋាននគរបាលខេត្តស្ទឹងត្រែង ដើម្បីរៀបចំកសាងសំណុំរឿងបញ្ជូនទៅអយ្យការ អមសាលាដំបូងខេត្ត ចាត់ការតាមនីតិវិធី ៕
