ភ្នំពេញ៖ កាលពីម៉ោងប្រមាណ ២:២០នាទីរសៀល ថ្ងៃទី៣ ខែធ្នូ ឆ្នាំ២០២១នេះ សមត្ថកិច្ចបានធ្វើការឃាត់ខ្លួនបុរសម្នាក់ ដែលជាប្តីបានអារ.ក សម្លាប់ប្រពន្ធនៅខេត្តសៀមរាប ហើយរត់គេចខ្លួន។ ការឃាត់ខ្លួននេះ ធ្វើឡើងនៅចំណុចរង្វង់មូលព្រះនរាយណ៍ សង្កាត់ដើមមៀន ក្រុងតាខ្មៅ ខេត្តកណ្ដាល។
គួរបញ្ជាក់ថាជនសង្ស័យជាប្តីនេះ មានឈ្មោះ ធួក ឈាត អាយុ ៤៣ឆ្នាំ មានមុខរបររត់ម៉ូតូកង់បី ចំណែកជនរងគ្រោះជាប្រពន្ធឈ្មោះ សូ ចន្ធី ភេទស្រីអាយុប្រហែល៤០ឆ្នាំ។ ចំពោះមូលហេតុសម្លាប់ប្រពន្ធខ្លួននេះ ជនសង្ស័យសារភាពថាព្រោះភ្លើងប្រច័ណ្ឌ៕
