ភ្នំពេញ៖ នៅម៉ោងប្រមាណ ៤:៤០នាទី រសៀល ថ្ងៃទី២៣ ខែវិច្ឆិកា ឆ្នាំ២០២១កន្លងទៅ កម្លាំង នាយកដ្ឋាន នគរបាលព្រហ្មទណ្ឌ ក្រសួងមហាផ្ទៃ សហការជាមួយកម្លាំងសមត្ថកិច្ចមូលដ្ឋានខណ្ឌទួលគោក ធ្វើការឡោមព័ន្ធទីតាំងអគារខុនដូ មួយកន្លែង ដែលស្ថិតនៅតាមបណ្តោយផ្លូវលេខ២៦១ ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញដោយធ្វើការឃាត់ខ្លួនជនជាតិចិនប្រុសស្រីជាង ៥០នាក់។
បើយោងតាមប្រភពព័ត៌មានពីសមត្ថកិច្ចបានឲ្យដឹងថា ប្រតិបត្តិការនេះ គឺកម្លាំងសមត្ថកិច្ចនាយកដ្ឋាន នគរបាលព្រហ្មទណ្ឌ ក្រសួងមហាផ្ទៃ សហការជាមួយកម្លាំងសមត្ថកិច្ចមូលដ្ឋានខណ្ឌទួលគោក បានឡោមព័ទ្ធ និងឃាត់ខ្លួន ជនជាតិចិនប្រុសស្រីជាង៥០នាក់ ព័ន្ធករណីជំពាក់លុយ និងប្រភពផ្សេងទៀត បានបង្ហើយថាជាករណីចាប់ជំរិត មកពីក្រុងកំពង់សោម។
ក្រោយប្រតិបត្តិការកម្លាំងសមត្ថកិច្ច បាននាំខ្លួនជនជាតិចិនទាំងនោះទៅកាន់នាយកដ្ឋាននគរបាលព្រហ្មទណ្ឌក្រសួងមហាផ្ទៃ ដើម្បីបន្តនីតិវិធី៕
