ព្រះសីហនុ៖ បុរសម្នាក់ទៀតបានស្លាប់ដោយគ្រោះថ្នាក់ចរាចរណ៍នៅថ្ងៃទី១៧ ខែវិច្ឆិកា ឆ្នាំ២០២១ វេលាម៉ោងជាង៧យប់ លេីផ្លូវជាតិលេខ៤ ចន្លោះគីឡូម៉ែត្រ ២១៧-២១៨ (ចំណោតអូរត្រាវ) សង្កាត់លេខ១ ក្រុង/ខេត្តព្រះសីហនុ ។ សមត្ថកិច្ចឲ្យដឹងថា គ្រោះថ្នាក់ចរាចរណ៍នេះកើតឡេីង រវាងរថយន្ត ០១គ្រឿង មិនទាន់ស្គាល់ភិនភាគនិងអត្តសញ្ញាណអ្នកបើកបរ មានទិសដៅចូលក្រុងព្រះសីហនុ បានបុកម៉ូតូ ០១គ្រឿងម៉ាក HONDA C125 ពណ៌ ខ្មៅ ពាក់ផ្លាកលេខសៀមរាប1R-6666 អ្នកបើកបរមិនទាន់ស្គាល់អត្តសញ្ញាណ ភេទ ប្រុស បើកបរទិសដៅពីផ្ទុយគ្នា បណ្តាលឲ្យអ្នកបើកបរម៉ូតូស្លាប់នៅនឹងកន្លែងកេីតហេតុ ។
បច្ចុប្បន្នសាកសពជនរងគ្រោះបាននាំមករក្សាទុកនៅមន្ទីរពេទ្យបង្អែកខេត្តព្រះសីហនុ ដេីម្បីស្វែងរកសាច់ញាតិ ។ បើតាមសមត្ថកិច្ចថាភាគីខាងរថយន្តបានបើករត់គេចបាត់ក្រោយពេលកេីតហេតុ បច្ចុប្បន្នសមត្ថកិច្ចជំនាញកំពុងតាមស្វែងរក ដើម្បីដោះស្រាយតាមនិតិវិធី៕
ប្រភព៖ Huy Bunleng News
