ភ្នំពេញ៖ នៅថ្ងៃទី១៧ ខែវិច្ឆិកា ឆ្នាំ២០២១នេះ ក្នុងឪកាសដែល សម្តេចតេជោ ហ៊ុន សែន អញ្ជើញចូលរួមក្នុងពិធីទទួលវ៉ាក់សាំងកូវីដ-១៩ ដែលជាជំនួយរបស់រដ្ឋាភិបាល និងប្រជាជនចិន ចំនួន ២លានដូសបន្ថែមទៀត។
ក្នុងនោះសម្តេចតេជោ បានបញ្ជាក់ថា សម្ដេចតេជោ ហ៊ុន សែន ក៏បានជួបពិភាក្សាជាមួយឯកអគ្គរដ្ឋទូតចិនប្រចាំកម្ពុជាផងដែរ ដោយសម្ដេចបានលើកឡើងអំពីការចង់ឲ្យមាន ការផលិតវ៉ាក់សាំងសម្រេចនៅកម្ពុជាផ្ទាល់តែម្ដង។ ដែលវាផ្តល់ភាពងាយស្រួលដល់កម្ពុជា ក្នុងការទិញវ៉ាក់សាំងសម្រាប់ផ្គត់ផ្គង់នៅក្នុងប្រទេសខ្លួនឯងផង និងផ្គត់ផ្គង់ទៅបណ្ដាប្រទេសផ្សេងទៀត។
ក្នុងនោះសម្តេចសង្ឃឹមថា ឯកអគ្គរដ្ឋទូតចិន នឹងនាំយកការលើកឡើងរបស់សម្ដេច ជម្រាបជូនប្រធានាធិបតី និងនាយករដ្ឋមន្ត្រីចិន អំពីលទ្ធភាពផលិតវ៉ាក់សាំងនៅកម្ពុជានេះ៕
