ភ្នំពេញ៖ កាលពីម៉ោងប្រមាណ ៩ព្រឹក ថ្ងៃទី១៤ ខែវិច្ឆិកា ឆ្នាំ២០២១ មានការភ្ញាក់ផ្អើលមួយកើតឡើងនៅចំណុច ផ្លូវជាតិលេខ២ ផ្ទះលក់ឱសថស្ថានរង «ខ» ពន្លកផ្ទះលេខ៣ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដោយសារមានបុរសម្នាក់បានស្លាប់ដោយសារឆក់ខ្សែភ្លើង។
បើតាមប្រភពពីសមត្ថកិច្ចបានអោយដឹងថា ជនរងគ្រោះមានឈ្មោះ ភៅ ម៉ៅ ភេទប្រុស អាយុ ៨៥ឆ្នាំ មុខរបរលក់ថ្នាំពេទ្យ គ្រូពេទ្យមធ្យមស្នាក់នៅចំណុចកើត ហេតុខាងលើ មានស្រុកកំណើតនៅភូមិ វាលវង់ ឃុំវាល ស្រុកគងពិសី ខេត្តកំពង់ស្ពឺ ។
ប្រភពដដែរបន្តថា នៅម៉ោងកើតហេតុខាងលើនកជិតខាងឮសំឡេងប្រពន្ធរបស់គាត់ ស្រែកហៅឲ្យគេជួយ ទើបអ្នករស់នៅក្បែរនោះ នាំគ្នាទៅមើលជួយកាត់សោ ចូលទៅខាងក្នុងក៏ប្រទះឃើញជនរងគ្រោះ ដេកស្លាប់លើជណ្តើរដែកបាត់ទៅហើយដោយមានស្នាម ខ្លោចឆេះពេញខ្លួន ចំណែកពិដានជ័រនៅខាងលើ ឆេះធ្លាក់រាយប៉ាយពេញក្នុងផ្ទះ សង្ស័យតែទុស្សេខ្សែភ្លើង បណ្តាលឲ្យឆេះឆក់ស្លាប់ ។
ក្រោយមកសមត្ថកិច្ចបានធ្វើការពិនិត្យសពរួចរាល់ និងបានប្រគល់អោយគ្រួសារយកទៅធ្វើបុណ្យតាមប្រពៃណី៕
