សៀមរាប៖ កាលពីថ្ងៃទី១២ ខែវិច្ឆិកា ឆ្នាំ២០២១ មានករណីក្មេងឈ្លោះគ្នា ហើយវ៉ៃគ្នាបណ្តាលអោយក្មេងម្នាក់ស្លាប់បាត់បង់ជីវិតនៅចំនុចឡឥដ្ឋ ភូមិថ្មី ឃុំកៀនសង្កែ ស្រុកសូទ្រនិគម ខេត្តសៀមរាប។
បើតាមប្រភពពីសមត្ថកិច្ចបានអោយដឹងថា ក្មេងជាជនបង្កឈ្មោះ ក.ភ ភេទប្រុស អាយុ ១២ឆ្នាំ ចំណែកក្មេងរងគ្រោះឈ្មោះ រិទ្ធ ទិត្យ ភេទប្រុស អាយុ ១០ឆ្នាំ ស្នាក់នៅចំណុចឡឥដ្ឋ ខាងលើដូចគ្នា។
សមត្ថកិច្ចបានបន្តថា ក្មេងដែលជាអ្នកបង្កបានយកដុំថ្មប៉ុនកដៃគប់លើក្មេងរងគ្រោះត្រូវចំលើស្លឹកត្រចៀក បណ្តាលអោយហូរឈាម។ ពេលនោះឪពុកម្តាយក្មេងរកគ្រោះក៏បានយកកូនទៅពេទ្យភ្លាមៗ ប៉ុន្តែនៅម៉ោងប្រមាណ ៩:២០នាទីក្មេងរគ្រោះក៏បានស្លាប់ ហើយក្នុងនោះពេទ្យក៏បានរកឃើញថាក្មេងមានវិជ្ជមានកូវីដ១៩ផងដែរ។
នៅថ្ងៃទី១៣ ខែឆ្នាំដដែរ សមត្ថកិច្ចក៏ហៅភាគីទាំងសងខាងមកធ្វើការសាកសួរ ហើយក្នុងក្មេងបង្កក៏បានបញ្ជាក់ខ្លួនពិតជាបានគប់ដុំថ្មមែន។ សម្រាប់បណ្តឹងគ្រួសាររងគ្រោះមិនបានទាមទារអ្វីច្រើននោះទេ ត្រឹមសំណង ១០០ដុល្លារ ដើម្បីយកទៅធ្វើបុណ្យសពក្មេងរងគ្រោះ។
ក្នុងនោះសមត្ថកិច្ចក៏បានធ្វើកិច្ចសន្យាអោយឪពុកម្តាយក្មេងបង្កធានាយកកូនត្រលប់ទៅផ្ទះវិញ។ ខណៈពាក់ព័ន្ធនឹងសំណុំរឿងនេះ កម្លាំងនគរបាលជំនាញបានបញ្ជូនទៅការិយាល័យជំនាញដើម្បីបន្តនីតិវិធី៕
