កោះកុង៖ នៅថ្ងៃទី១១ ខែវិច្ឆិកា ឆ្នាំ២០២១ វេលាម៉ោង ១៥និង៤៥នាទី ផ្នែកជំនាញបាន ទទួលពាក្យបណ្ដឹង ពីឈ្មោះ វ៉ាន់ មុំ ភេទស្រី អាយុ ៤១ឆ្នាំ ជនជាតិខ្មែរ មុខរបកសិករ ត្រូវជាម្ដាយជនរងគ្រោះ មានទីលំនៅភូមិជ្រោយ ឃុំបឹងព្រាវ ស្រុកស្រែអំបិល បានមក ប្ដឹងឈ្មោះ ម៉ី លាក់ ភេទប្រុស អាយុ ៧៩ឆ្នាំ ជនជាតិខ្មែរ មុខរបរកសិករ មានទីលំនៅភូមិជ្រោយ ឃុំ បឹងព្រាវ ស្រុកស្រែអំបិល ពីបទចាប់រំលោភសេពសន្ថវៈ លើកូនស្រីរបស់គាត់ឈ្មោះ វ.វ.វ ភេទស្រី អាយុ ១៥ឆ្នាំ មុខរបរសិស្ស រហូតបានសម្រេច ០១លើកនៅក្នុងថ្នាក់រៀន កាលពីថ្ងៃទី៧ ខែវិច្ឆិកា ឆ្នាំ ២០២១វេលាម៉ោង១៧និង១០នាទី ។
ក្រោយពីសិស្សទាំងអស់បានចេញពីសាលារៀន ហើយពួកគេទៅផ្ទះរៀងៗខ្លួនអស់ ចំណែកកូនរបស់គាត់ពុំទាន់មកផ្ទះនៅឡើយគឺនៅកត់មេរៀនបង្ហើយក្នុងថ្នាក់រៀនម្នាក់ឯង ជនសង្សយ័បានធ្វើសកម្មភាពចាប់កូនរបស់គាត់តែម្តង ។
លុះមកដល់ថ្ងៃទី៨ ខែ វិច្ឆិកា ឆ្នាំ២០២១ វេលាម៉ោង ១៥និង០០នាទី ពេលកូនស្រីរបស់ គាត់មកអង្គុយលេងលើបង់ នៅមុខបន្ទប់រៀនម្នាក់ឯង ស្រាប់តែជនរូបនេះដើរសំដៅ មកចាប់ដៃកូនស្រីគាត់អូសចូលទៅក្នុងបន្ទប់រៀន ហើយក៏ចាប់រំលោភបានសម្រេចម្ដង ទៀត មិនតែប៉ុណ្ណោះជនរូបនេះ បានគំរាមឡើងថាបើហ៊ានយករឿងទាំងនេះ ប្រាប់អ្នក ណាឲ្យដឹងរូបគេនឹងសម្លាប់ចោល។
បច្ចុប្បន្នជនសង្ស័យ ត្រូវបានរត់គេចខ្លួនបាត់ ផ្នែកជំនាញកំពុងធ្វើការ ស្រាវជ្រាវចាប់ជន សង្ស័យមកផ្តន្ទាទោសតាមច្បាប់៕
ប្រភព៖ អគ្គស្នងការដ្ឋាននគរបាលជាតិ
