ការសម្រេចចិត្តដ៏ធំបំផុតមួយរបស់ Mauricio Pochettino នៅដើមរដូវកាលនេះ គឺការជ្រើសរើសអ្នកចាំទីដៃដំបូងរវាង Keylor Navas និង Gianluigi Donnarumma ហើយវាជាការសម្រេចដ៏ចម្រូងចម្រាសមួយនៅ PSG។
ពិតណាស់ អ្នកចាំទីកូស្តារីកា Navas ត្រូវបានជ្រើសរើសនាំមុខកីឡាករអ៊ីតាលីនៅ Paris Saint-Germain ចាប់តាំងពីកីឡាកររូបនេះបានផ្លាស់មកពីក្លឹប AC Milan នៅរដូវក្តៅ។
គួររំលឹកថា Navas បានលេង 6 ប្រកួតក្នុង Ligue 1 ដោយរក្សា Clean Sheet ពីរលើក និងលេងក្នុង Champions League ពីរប្រកួត ដោយសរុបមករបូតគ្រាប់បាល់ 6 គ្រាប់ជាមួយនឹង Clean Sheet ពីរដង។ រីឯ Donnarumma បានលេងក្នុងការប្រកួត Ligue 1 ចំនួន 4 ដង និងការប្រកួតនៅអឺរ៉ុបចំនួន 1 ដងប៉ុណ្ណោះ។
ភ្នាក់ងាររបស់ Donnarumma គឺលោក Mino Raiola បានឲ្យដឹងថា លោកកំពុងសម្លឹងរកមើលការផ្លាស់ប្តូរគាត់ពី Paris Saint-Germain ដើម្បីទៅជាជម្រើសដំបូងនៅកន្លែងផ្សេង នេះបើយោងតាមគេហទំព័រ Calciomercato។
បច្ចុប្បន្ន Navas កំពុងមានទំនុកចិត្តខ្ពស់ពីគ្រូបង្វឹក PSG លោក Pochettino ក៏ដូចជាមិត្តរួមក្រុមរបស់គាត់។ ដូច្នេះវាច្បាស់ណាស់ថា Donnarumma នឹងត្រូវអង្គុយចាំនៅលើកៅអីបម្រុង៕
