បាត់ដំបង៖ ថ្ងៃពុធ ១៤ កើត ខែអស្សុជ ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី២០ ខែតុលា ឆ្នាំ២០២១ នៅវេលាម៉ោង ១៦:០០ នាទីរសៀល ស្ថិតនៅចំណុចក្រុមទី១៥ ភូមិឈើទាល ឃុំឈើទាល ស្រុកបាណន់ ខេត្តបាត់ដំបង មានករណីអគ្គិភ័យបានកើតឡើងបណ្តាលឲ្យឆេះផ្ទះចំនួន០១ខ្នងទំហំ ១២x៨ មែត្រ កម្ពស់បីជាន់ របស់ម្ចាស់ឈ្មោះ ម៉ាន់ ចៃ ភេទ ប្រុស អាយុ ៤៩ ឆ្នាំ ។
ក្នុងហេតុការណ៏នេះធ្វើអោយរងរបួសមនុស្សចំនួន ០១ នាក់ ជាអ្នកបើកបររថយន្តដឹកសាំង ហើយត្រូវបានបញ្ជូនទៅមន្ទីរពេទ្យខេត្តបាត់ដំបង ។ ក្នុងនោះបានប្រើប្រាស់រថយន្តពន្លត់អគ្គិភ័យចេញអន្តរាគមន៍ ចំនួន ០៥ គ្រឿង (រថយន្តអធិការនគរបាលស្រុកបាណន់ចំនួន ០១ គ្រឿង, ស្នងការដ្ឋាននគរបាលខេត្តបាត់ដំបង ចំនួន ០៣ គ្រឿង, អធិការនគរបាលស្រុកសង្កែចំនួន ០១ គ្រឿង) និង បានប្រើប្រាស់ទឹកអស់ចំនួន ១១ រថយន្ត ។ កិច្ចប្រតិបត្តិការនេះបញ្ចប់ត្រឹមវេលាម៉ោង ២០:០០ នាទីយប់ ។
ចំពោះមូលហេតុបណ្តាលអោយមានអគ្គីភ័យនេះដោយសារតែអ្នកបូមសាំងផ្ទេរពីរថយន្ត ទៅសុីតែនមិនបានប្រុងប្រយ័ត្ន ទើបបណ្តាលអោយឆេះរថយន្តរាលឆ្លងដល់ផ្ទះតែម្តង៕
ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ
