ភ្នំពេញ៖ កម្លាំងនគរបាលអធិការដ្ឋាននគរបាលខណ្ឌបឹងកេង បានឃាត់ខ្លួនជនសង្ស័យម្នាក់ ពាក់ព័ន្ធករណី លួចមានស្ថានទម្ងន់ទោស (ឆក់កាបូបក្រវ៉ាត់ចង្កេះ) កាលពីថ្ងៃទី១៨ ខែតុលា ឆ្នាំ២០២១ វេលាម៉ោង១៣និង៣០នាទី នៅចំណុចមុខសាលាព្រះយុគន្ធរ ផ្លូវព្រះមុន្ទីវង្ស ក្រុមទី១០ ភូមិ១ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ។
លោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌបានឲ្យដឹងថាជនសង្ស័យឈ្មោះ ហុង ឌីណា ភេទប្រុស អាយុ២០ឆ្នាំ ជនជាតិខ្មែរ មុខរបរនៅផ្ទះ(មានសារធាតុញៀន)។ វត្ថុតាងចាប់យករួមមាន ម៉ូតូ០១គ្រឿងម៉ាក CLICK ពណ៌ស លាយខ្មៅ លេខតួ+លេខម៉ាស៊ីនលេខ M5244559 គ្មានផ្លាកលេខ និងកាបូបក្រវ៉ាត់ចង្កេះ ពណ៌ខៀវ ចំនួន០១ (របស់ជនរងគ្រោះ)។
ជនរងគ្រោះឈ្មោះ សឿង សឿ ភេទស្រី អាយុ៣២ឆ្នាំ ជនជាតិខ្មែរ ទីលំនៅផ្ទះជួលលេខ១០ ផ្លូវលេខ៣៦០ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ មុខរបរលក់ដូរ។ បច្ចុប្បន្នជនសង្ស័យរួមនិងវត្ថុតាងឃាត់ខ្លួនបណ្ដោះ អាសន្ននៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនតុលាការ ៕
ប្រភព៖ អគ្គស្នងការដ្ឋាននគរបាលជាតិ
