ព្រះសីហនុ៖ សមត្ថកិច្ចប្រាប់ថា មានគ្រោះថ្នាក់ចរាចរណ៍មួយករណីនៅថ្ងៃទី15 ខែតុលា ឆ្នាំ2021 វេលាម៉ោងជិត4ល្ងាច លើផ្លូវជាតិលេខ4 ចន្លោះគីឡូម៉ែត្រលេខ 210-211 ក្នុងភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ រវាងរថយន្តធុនធំ 01គ្រឿង ម៉ាកUD ពណ៌ខៀវ ក្បាលរថយន្តពាក់ស្លាកលេខ ភ្នំពេញ3A-5301 និងកន្ទុយរុឺម៉កសណ្តោងស្លាកលេខ ភ្នំពេញ 4A-0248 ទិសដៅខេត្តព្រះសីហនុ-ភ្នំពេញ រេចង្កូតទៅខាងឆ្វេងដៃរួចក៍បុកប៉ះម៉ូតូ 01គ្រឿង ម៉ាកឌ្រីមសង់ ពណ៌ខ្មៅ ពាក់ស្លាកលេខ ព្រះសីហនុ1E-0199 ដែលម្ចាស់កំពុងអង្គុយលើម៉ូតូ និងចតនៅចិញ្ចើមផ្លូវ។
ហេតុការណ៍នេះបណ្តាលអោយ៖
1.អ្នកបើកបររថយន្តឈ្មោះ ញ៉េន សារិទ្ធ ភេទប្រុស អាយុ51ឆ្នាំ ទីលំនៅ រាជធានីភ្នំពេញ (របួសធ្ងន់)។
2.អ្នកបើកបរម៉ូតូឈ្មោះ វ៉ាន់ សារឿន ភេទប្រុស អាយុ៣២ឆ្នាំ ទីលំនៅភូមិដំណាក់កន្តួត ឃុំដំណាក់កន្តួត ស្រុកកំពង់ត្រាច ខេត្តកំពត (របួសធ្ងន់)។
អ្នករបួសបានបញ្ជូនទៅសង្គ្រោះនៅមន្ទីពេទ្យខេត្តព្រះសីហនុ រីឯវត្ថុតាងបានយកទៅរក្សាទុកនៅអធិការដ្ឋាននគរបាលស្រុកព្រៃនប់៕
ប្រភព៖ Huy Bunleng
