ភ្នំពេញ៖ នេះបើយោងតាមការបង្ហោះរបស់ស្នងការដ្ឋាននគរបាលខេត្តកំពត នៅថ្ងៃទី១៤ ខែតុលា ឆ្នាំ២០២១នេះ បានអោយដឹងថា ស្នងការដ្ឋាននគរបាលខេត្តកំពតនឹងរៀបចំបង្កើតនូវកម្មវិធីដើម្បីចុះជួបបងប្អូនប្រជាពលរដ្ឋតាមបណ្តាឃុំសង្កាត់ទាំង ៩៣ ដើម្បីស្វែងរកបញ្ហាផ្សេងៗនិងដំណោះស្រាយជូនបងប្អូនប្រជាពលរដ្ឋដើម្បីធ្វើអោយគោលនយោបាយភូមិ ឃុំ មានសុវត្ថិភាពកាន់តែមានប្រសិទ្ធភាពខ្ពស់ ។ លោកមេប៉ុស្ត៏ទាំងអស់និងត្រូវមានវត្តមានចូលរួមក្នុងវេទិការនេះ ព្រោះខ្ញុំនឹងចុះធ្វើវេទិការនេះដោយខ្លួនខ្ញុំផ្ទាល់រួមនិងជំនាញពាក់ពន្ធ័ផ្សេងៗទៀត ក្នុងករណីលោកមេប៉ុស្ត៏មិនអាចយកបេះដូងពីប្រជាពលរដ្ឋក្នុងមូលដ្ឋានរបស់អស់លោកបាននោះទេ ស្មើរនឹងគ្មានការគាំទ្រពីប្រជាពលរដ្ឋ អញ្ចឹងដំណោះស្រាយត្រូវយកអ្នកផ្សេងមកជំនួស ។
គួរបញ្ជាក់ថា កាលពីថ្ងៃទី១៣ ខែតុលា ឆ្នាំ២០២១នេះ ឯឧត្តម ម៉ៅ ធនិន បានចូលកាន់តំណែងជាអភិបាលខេត្តកំពត និងបានប្តេជ្ញាដោះស្រាយបញ្ហាដីធ្លី និងបញ្ហាផ្សេងៗទៀតចូលប្រជាពលរដ្ឋក្នុងខេត្តកំពត៕
